看門口之選 - 豚王即食麵

今日想同大家介紹一隻產品，叫...（吸氣）

「銘店之一品豚王  赤王辛辣豚骨濃湯味非油炸即食麵」

當豚王實體店既麵名只係得2個字，佢出既即食麵個名居然有22個字。

包裝上印有香港各分店既地址和簡單介紹（看來豚王短期內應該不打算開新分店吧）

個名變長左11倍，但即食麵內只得一包配料同一個麵，連葱都冇包。

可唔可以出多個「超級無敵終極版」，加多少少配料比我？

煮法簡單，2分鐘就食得，啱哂我呢d懶人。

非油炸幼身麵條，掛湯能力不錯，麵質比想象中彈牙，放了一會漲了點仍然不失嚼勁，口感比一般即食麵出色。辣汁沒想像中般「辛辣刺激」，而閣下如果相信一包人工調味粉可以煮出「層次豐富」的湯底的話，我覺得你做人比較天真。

個人喜歡濃味一點的拉麵，因此特意下少點水，出來味道蠻濃郁的，除了豬骨味外還帶一點辣油香，非常惹味。辣度不算太強，普通人應該也能接受。

$7一包，實體店十分一的價錢，當然不能將它和店裡的拉麵比較。以即食麵來說，湯底挺不錯，加上麵條非油炸，份量也比今時今日的迷你杯麵飽肚（每包淨重123克），值得入貨。